Жоба

«Қызылорда облысы әкімдігінің кейбір қаулыларының күші жойылды

деп тану туралы» Қызылорда облысы әкімдігінің

қаулысының жобасына

БАСПАСӨЗ-РЕЛИЗ

 

 

«Қызылорда облысының индустриялық-инновациялық даму басқармасы» мемлекеттік мекемесі қаулыны әзірлеуші орган болып табылады.

Қаулы жобасы «Құқықтық актілер туралы» Қазақстан Республикасының

2016 жылғы 6 сәуірдегі Заңының 27-бабының 1-тармағына «Нормативтік құқықтық актінің қабылдануына байланысты, егер нормативтік құқықтық актілер немесе олардың құрылымдық элементтері жаңа нормативтік құқықтық актіге енгізілген құқық нормаларына қайшы келсе немесе солармен қамтылса, күші жойылды деп тануға жатады» сәйкес әзірленді.

Жоба қабылданған жағдайда бүгінгі күні күші жойылған «Жер қойнауы және жер қойнауын пайдалану туралы» Қазақстан Республикасының Заңына сәйкес қабылданған қаулылардың күші жойылады, себебі  2017 жылғы 27 желтоқсанда қабылданған «Жер қойнауы және жер қойнауын пайдалану туралы» Қазақстан Республикасының Кодексі 2018 жылдың 29 маусымында қолданысқа енгізілді.

Ашық нормативтік құқықтық актілердің интранет-порталындағы сілтеме https://legalacts.egov.kz/npa/view?id=2049221.

 


Қызылорда облысы әкімдігінің кейбір қаулыларының күші

жойылды деп тану туралы

 

 

          «Құқықтық актілер туралы» Қазақстан Республикасының 2016 жылғы

6 сәуірдегі Заңының 27-бабына сәйкес Қызылорда облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес тізбе бойынша Қызылорда облысы әкімдігінің кейбір қаулыларының күші жойылды деп танылсын.

         2. Осы қаулының орындалуын бақылау Қызылорда облысы

әкімінің орынбасары Е.Г. Кимге жүктелсін.

         3. Осы қаулы алғашқы ресми жарияланған күнінен бастап қолданысқа енгізіледі.

 

 

         Қызылорда облысының

      әкімі                                                                   Қ. Көшербаев

 

 

 

 

Қызылорда облысы әкімдігінің

2018 жылғы «__» ________ №___ қаулысына

қосымша

 

 

Қызылорда облысы әкімдігінің күші жойылды деп танылатын кейбір қаулыларының тізбесі

 

1. «Қызылорда облысында тендерге немесе аукционға шығаруға жататын, құрамында кең таралған пайдалы қазбалары бар жер қойнауы учаскелерінің тізбесін бекіту туралы» Қызылорда облысы әкімдігінің 2015 жылғы 29 қаңтардағы №835 қаулысы (Нормативтік құқықтық актілерді мемлекеттік тіркеу тізілімінде 4887 нөмірімен тіркелген, «Сыр бойы» және «Кызылординские вести» газеттерінде 2015 жылғы 5 наурызда және Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде 2015 жылғы 11 наурызда жарияланған).

2. «Мемлекеттік көрсетілетін қызмет регламентін бекіту туралы» Қызылорда облысы әкімдігінің 2015 жылғы 12 тамыздағы №123 қаулысы (Нормативтік құқықтық актілерді мемлекеттік тіркеу тізілімінде 5126 нөмірімен тіркелген, «Сыр бойы» және «Кызылординские вести» газеттерінде 2015 жылғы 17 қыркүйекте және Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде 2015 жылғы 30 қыркүйекте жарияланған).

            3. «Қызылорда облысында тендерге немесе аукционға шығаруға жататын, құрамында кең таралған пайдалы қазбалары бар жер қойнауы учаскелерін тізбесін бекіту туралы» Қызылорда облысы әкімдігінің 2015 жылғы 29 қаңтардағы №835 қаулысына өзгеріс енгізу туралы» Қызылорда облысы әкімдігінің 2015 жылғы 4 желтоқсандағы №241 қаулысы (Нормативтік құқықтық актілерді мемлекеттік тіркеу тізілімінде 5261 нөмірімен тіркелген, «Сыр бойы» және «Кызылординские вести» газеттерінде 2015 жылғы 15 желтоқсанда және Қазақстан Республикасы нормативтік құқықтық актілерінің «Әділет» ақпараттық-құқықтық жүйесінде 2016 жылғы 14 қаңтарда жарияланған).

            4. «Қызылорда облысында тендерге немесе аукционға шығаруға жататын, құрамында кең таралған пайдалы қазбалары бар жер қойнауы учаскелерінің тізбесін бекіту туралы» Қызылорда облысы әкімдігінің 2015 жылғы 29 қаңтардағы №835 қаулысына толықтыру енгізу туралы» Қызылорда облысы әкімдігінің 2016 жылғы 1 шілдедегі №515 қаулысы (Нормативтік құқықтық актілерді мемлекеттік тіркеу тізілімінде 5565 нөмірімен тіркелген, Қазақстан Республикасы нормативтік құқықтық актілерінің эталондық бақылау банкінде 2016 жылғы 1 тамызда жарияланған).

           


Кен іздеушілікке арналған аумақтарды айқындау туралы ...жүктеу 17.16 kb


Бір гектар үшін  қамтамасыз етудің мөлшерін айқындау туралы  ...жүктеу 14.6 kb

 Кең таралған пайдалы қазбаларды өндіруге арналған келісімшарттар жөніндегі комиссиясын құру туралы  ...жүктеу 19.34 kb


«Қызылорда облысының индустриялық-инновациялық даму басқармасы» мемлекеттік мекемесінің Ережесін бекіту туралы ЖОБА ... жүктеу 24 kb


 

18.09.2015 жылғы №166 қаулы.


Жер қойнауын пайдалану

саласындағы мемлекеттік

көрсетілетін қызметтердің

регламенттерін бекіту туралы

          «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңына және «Мемлекеттік көрсетілетін қызметтер туралы» Қазақстан Республикасының 2013 жылғы 15 сәуірдегі Заңына сәйкес Қызылорда облысының әкімдігі ҚАУЛЫ ЕТЕДІ:

        1.Қоса беріліп отырған:

         1) «Кең таралған пайдалы қазбаларды барлауға, өндiруге жер қойнауын пайдалану құқығының кепiл шартын тiркеу» мемлекеттік көрсетілетін қызмет регламенті;

         2) «Барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу» мемлекеттік көрсетілетін қызмет регламенті;

         3) «Кең таралған пайдалы қазбаларды барлауға, өндіруге келісімшарттар жасасу, тіркеу және сақтау» мемлекеттік көрсетілетін қызмет регламенті;

         4) «Кең таралған пайдалы қазбаларды барлау және өндіру, барлаумен және өндірумен байланысты емес жерасты құрылыстарын салу және (немесе) пайдалану үшін берілген жер қойнауының учаскелеріне арналған сервитуттарды тіркеу» мемлекеттік көрсетілетін қызмет регламенті;

         5) «Жер қойнауын пайдалануға, барлаумен немесе өндірумен байланысты емес жерасты құрылыстарын салуға және (немесе) пайдалануға келісімшарттар жасасу, тіркеу және сақтау» мемлекеттік көрсетілетін қызмет регламенті;

         6) «Болашақ құрылыс учаскесі астындағы жер қойнауында пайдалы қазбалардың жоқ немесе оның аз мөлшерде екендігі туралы қорытынды беру» мемлекеттік көрсетілетін қызмет регламенті;

         7) «Пайдалы қазбалар жатқан алаңдарда құрылыс салуға, сондай-ақ жинақталған жерлерде жерасты құрылыстарын орналастыруға рұқсат беру» мемлекеттік көрсетілетін қызмет регламенті бекітілсін.

         2. Осы қаулының орындалуын бақылау Қызылорда облысы әкімінің орынбасары Ғ.М. Әміреевке жүктелсін.

         3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі, бірақ «Көмірсутек шикізатын, сондай-ақ көмір мен уранды қоспағанда, жер қойнауын пайдалану саласындағы мемлекеттік көрсетілетін қызметтер стандарттарын бекіту туралы» Қазақстан Республикасы Инвестициялар және даму министрінің 2015 жылғы 28 сәуірдегі №521 бұйрығы (нормативтік құқықтық актілерді мемлекеттік тіркеу Тізілімінде нөмірі 11606 болып тіркелген) қолданысқа енгізілгеннен бұрын емес.

 

 

Құрылған күні: 30-03-2015 18:43
Жаңартылған күні: 08-02-2019 19:43

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика