• Дата публикации: 29/10/2019 - 16:12
    Мазмұны:

    Республикалық туристендіру картасына Қызылордадан 3 туристік нысан енгізілді. Бұл туралы Өңірлік коммуникациялар қызметінің ақпарат алаңында облыс әкімінің орынбасары Мұрат Имандосов мәлімдеді.

    «Туристендіру картасына «Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы кіреді. Атап айтқанда, «Қамыстыбас» демалыс аймағына 90-нан аса нысан салынды. Сондай-ақ, құрылыс кезінде үш жүз елу жұмыс орны ашылып, жүз елу адам маусымдық жұмыспен қамтылды. Ал, «Жаңақорған» шипажайы 88 орындыққа шақталған. Қазіргі таңда құрылыс-монтаж жұмыстары жүргізілуде. Мұнан өзге «Байқоңыр» ойын-сауық туристік аймағы туристендіру картасының ТОП-10 нысанына енді»,- деді Мұрат Имандосов.

    Айта кету керек, «Қызылорда облысы бойынша туристік маршруттар мен соқпақтардың мемлекеттік реестрі» бекітілген. Аталған реестр аясында Арал теңізінің экологиялық-табиғи зоналарымен, Барсакелмес қорығымен танысу, Қамыстыбас көлінің туристік базасын тамашалау маршруттары қамтылған.

     

  • Дата публикации: 29/10/2019 - 15:52
    Мазмұны:

    Үкімет тарапынан ішкі сұранысты отандық тауарлармен қамтамасыз ету бойынша әр өңірге мемлекеттік сатып алуда жергілікті қамту үлесін жыл сайын 20%-ға арттыру тапсырмасы қойылып отыр.

    Осы ретте, үстіміздегі жылғы 18 қазанда облыс әкімінің орынбасары М.Имандосовтың төрағалығымен салалық басқармалардың, қала және аудан әкімдіктерінің, өңірлік кәсіпкерлер палатасының қатысуымен жергілікті қамтуды дамыту мәселелері бойынша мәжіліс өтті.

    Мәжіліс барысында индустриялық-инновациялық даму басқарма басшысының орынбасары Ж. Еламан баяндама жасап, өз баяндамасында жоғары көрсеткіштерге қарамастан өңірде кейбір кемшіліктер бар екенін, яғни бөлінген бюджет қаражатының толық игерілмеуін атап өтті.

    Үстіміздегі жылғы 18 қазандағы жағдай бойынша өңірде жергілікті қамту үлесі жеңіл өнеркәсіп саласы бойынша – 46%, тамақ өнеркәсібі – 43%, жиҺаз өнеркәсібі - 34% және құрылыс индустриясы бойынша 17% құрады.

    Бұл көрсеткіш бойынша республикалық рейтингте Қызылорда облысы алдыңғы қатарда.

    Осы орайда, облыс әкімінің орынбасары М.Имандосов салалық басқармаларға, қала және аудан әкімдеріне жыл қорытындысымен бюджет қаражытының толық игерілуін қамтмасыз ету жөнінде тапсырмалар берді.

           

  • Дата публикации: 29/10/2019 - 15:44
    Мазмұны:

    Экспорттаушыларға мемлекеттік қолдау көрсету шараларын түсіндіру мақсатында ағымдағы жылғы 9 қазанда облыстық индустриялық-инновациялық даму басқармасының ұйымдастыруымен Қазақстандық индустрия және экспорт орталығымен бірлесіп семинар өткізілді.

    Аталған шараға 30-ға жуық экспорттаушылар, облыстық басқармалардың, қалалық және аудандық кәсіпкерлік, өнеркәсіп және туризм бөлімдерінің басшылары қатысты.

    Семинар барысында Қазақстандық индустрия және экспорт орталығының директорының орынбасары А. Байқадамова және бас сарапшысы А. Расиль экспорттаушылардың шығындарын өтеу бойынша берілетін мемлекеттік жеңілдіктері туралы толықтай түсініктеме берді.

    Отандық өңделген тауарларды сыртқы нарықта жылжыту мақсатында мемлекеттік қолдау шараларының келесідей түрлері беріледі:

    1) тауарларды шетелде жарнамалауға байланысты шығындар;

    2) шетелдік көрмелерге, жәрмеңкелерге, фестивальдарға тікелей қатысуға арналған шығындар;

    3) шет тілдеріне аударуға және шетелде тарату үшін мамандандырылған каталог шығаруға байланысты шығындар;

    4) шетелде өкілдікті, сауда алаңы мен қойманы ұстауға арналған шығындар;

    5) шетелде тауар белгілерін (брендтерді) тіркеуге байланысты рәсімдерді жүргізуге арналған шығындар;

    6) тауарларды шетелде сертификаттауға байланысты рәсімдерді жүргізуге арналған шығындар;

    7) тауарларды жеткізуге байланысты шығындар.

    Бүгінгі күні өтінім берген 5 кәсіпорынның ішінен, 1 кәсіпорын

    2,3 млн. теңге сомасына мақұлдау алды.

    Атап өту қажет, егер бұрын өтінімдерді қабылдау мерзімі

    1 қарашаға дейін жүзеге асырылса, енді экспорттаушыларға шығындарын өтеу Ережелеріне енгізілген өзгерістерке сәйкес, өтінімдерді қабылдау мерзімі ағымдағы жылдың 1 желтоқсанына дейін ұзартылды.

    Экспорттаушыларға мемлекеттік қолдау көрсету шаралары туралы хабарлама экспорттаушы кәсіпорындарға, қала және аудан әкімдіктеріне жолданды және аталған ақпарат басқарманың фэйсбук парақшасында жарияланды.

     

  • Дата публикации: 29/10/2019 - 15:35
    Мазмұны:

     

    2019 жылғы 23 қазанда облыстық индустриялық-инновациялық даму басқармасының ұйымдастыруымен «KazakhExport» экспорттық сақтандыру компаниясы» АҚ-мен бірлесіп семинар өткізілді.

    Семинар барысында «KazakhExport» экспорттық сақтандыру компаниясы» АҚ сақтандыру департаментінің директоры Қ.Мұқажанов негізгі қаржы-сақтандыру өнімдерінің 13 түрін түсіндірді.

     Атап айтқанда:

    1. Экспорттық кредиттерді сақтандыру;

    2. Экспорттаушыны экспортқа дейінгі қаржыландыру;

    3. Қысқа мерзімді дебиторлық берешекті сақтандыру;

    4. Экспорттық саудалық қаржыландыру;

    5. Қарыздарды сақтандыру;

    6. Шетелдік сатып алушының авансын сақтандыру;

    7. Тікелей қаржыландыруды сақтандыру;

    8. Банктік төлем кепілдігін сақтандыру;

    9. Облигациялар бойынша экспорттаушының азаматтық-құқықтық жауапкершілігін сақтандыру;

    10.      Мерзімдік валюталық мәмілелер бойынша экспорттаушының азаматтық-құқықтық жауапкершілігін сақтандыру;

    11.      Халықаралық факторингті сақтандыру;

    12.      Құжаттық аккредитивтерді сақтандыру;

    13.      Банк кепілдігін сақтандыру.

    Аталған шараға 30-ға жуық экспорттаушылар, облыстық басқармалардың, қалалық және аудандық кәсіпкерлік, өнеркәсіп және туризм бөлімдерінің басшылары қатысты.

    Семинарға қатысушылар өздерін қызықтырған сұрақтарға жауап алды.

     

     

     

     

  • Дата публикации: 25/10/2019 - 14:20
    Мазмұны:

            «Мемлекеттік көрсетілетін қызметтер тізілімін бекіту туралы» Қазақстан Республикасы Үкіметінің 2013 жылғы 18 қыркүйектегі №983 Қаулысына өзгерістер мен толықтырулар енгізу туралы» Қазақстан Республикасы Үкіметінің 2019 жылғы 30 қыркүйектегі №726 қаулысына сәйкес,«Тұрғылықты жерінен мекен-жай анықтамаларын беру» жөнінен көрсетілетін мемлекеттік қызмет 2019 жылдың 1 қарашасынан бастап алынып тасталады.

             Сәйкесінше, барлық мемлекеттік органдар, балабақшалар, мектептер, ауруханалар, коммуналдық қызмет көрсетушілер, елшіліктер мен консулдықтар, трансұлттық компаниялар, халықаралық ұйымдар, квазимемлекеттік және жеке сектордағы мекемелер, екінші деңгейлі банктер, микрокредиттік ұйымдар және басқа да мекемелер - ешбір жағдайда Қазақстан Республикасы азаматтарынан тұрғылықты жерінен мекенжай анықтамаларын талап етпеуге тиіс.

  • Дата публикации: 12/07/2019 - 17:55
    Мазмұны:

    Бүгін Қызылорда облысына іссапармен Өзбекстан Республикасының Алматы қаласындағы Бас консулы А.Фатхуллаев келді. Іссапар аясында Қызылорда облысы әкімі Қ. Ысқақовпен кездесті. Кездесу барысында екіжақты ынтымақтастықты арттырудың мүмкіндіктері талқыланды.

  • Дата публикации: 27/05/2019 - 17:10
    Мазмұны:

    2019 жылғы 23 мамырда Қызылорда облысының әкімдігі мен «Kazakh Invest» АҚ ұйымдастыруымен өңірімізге корейлік инвесторлардың іссапары болды.

    Іссапардың мақсаты – құнарсыз, тұзды, сор жерлерге жаңа технологияларды енгізе отырып, емдік қасиеті бар қызанақ егу. Бұл қызанақтың басты қасиеті – қатерлі ісік ауруының бірден бір емі.

    Іссапар аясында облыс әкімінің орынбасары Б. Намаев бастаған делегация инвесторларды Арал, Қазалы, Қармақшы аудандарының жерлерімен таныстырып, келіссөздер жүргізді. Емдік қасиеті бар қызанақ егу бойынша бірқатар мәселелер пысықталғаннан кейін, егілетін жер анықталады.

    Сонымен қатар, қонақтар облыс әкімі Қ. Көшербаевпен кездесіп, алдaғы уақыттағы жоба бойынша жоспарларымен бөлісті. Сондай-ақ, корейлік инвесторлар жақын арада мамандарымен келіп, зерттеу жұмыстарын бастайтындығын жеткізді.

  • Дата публикации: 24/05/2019 - 12:10
    Мазмұны:

    Қазақстан тәуелсіздік алғаннан бері жер қойнауын пайдалану саласындағы бірде-бір заңнамалық акт кен іздеушілікке қатысты құқықтықтық қатынастарды реттеген емес.

    2017 жылғы 27 желтоқсанда «Жер қойнауы және жер қойнауын пайдалану туралы» Қазақстан Республикасы Кодексі қабылданып, 2018 жылғы 29 маусымнан бастап қолданысқа енгізілуіне байланысты жер қойнауын пайдаланудың жаңа түрі - кен іздеушілік енгізілді.

    Осы Кодекске сәйкес Қызылорда облысы бойынша кен іздеушілік үшін аумақтар тізбесі жасақталып, Қызылорда облысы әкімдігінің «Кен іздеушілік үшін аумақтарды айқындау туралы» 2018 жылғы 9 қарашадағы №1255 қаулысы қабылданды.

    Кодекс бойынша кен іздеушілікке Лицензия алған тұлғаның Кодекс бойынша «құм мен топырақты шаю жөніндегі аршу жұмыстарын, сондай-ақ басқа да жұмыстарды қоса алғанда, механикаландыру құралдарын және қуаттылығы аз өзге де жабдықтарды қолдана отырып, техногендік сипаттағы және ұсақ кен орындарында (тау-кен өндірісі мен металлургияның үйінділері мен салынған қалдықтары) бағалы металдар мен асыл тастарды кен өндіру үшін жер қойнауы учаскесін пайдалануға» айрықша құқығы болады.

    Осыған байланысты, кен іздеушілікке лицензия алуға қызығушылық танытқан Қазақстан Республикасының азаматтарының назарына төмендегі негізгі ақпаратты ұсынамыз.

     

  • Дата публикации: 30/04/2019 - 18:20
    Мазмұны:

             2018 жылдың 1 қаңтарынан бастап Қазақстан Республикасының Салық кодексінің 748-бабына сәйкес пайдалы қазбаларды өндіруге салынатын салықтың жаңа ставкалары күшіне енуімен кең таралған пайдалы қазбаларының жер қойнауын пайдаланушыларына арналған салық мөлшері едеуір жоғарылап, 0,04 АЕК мөлшерінде бекітілген болатын.

             Қызылорда облысының индустриялық-инновациялық даму басқармасы 2018 жылдың маусым айында кең таралған пайдалы қазбаларды өндірумен айналысатын жер қойнауын пайдаланушылармен пайдалы қазбаларды өндіру салығын төлеу мөлшерлемелері бойынша туындаған мәселені көтеріп, облыс әкімдігі тарапынан тиісті министрліктерге салық мөлшерлемелерін төмендету бойынша ұсыныстар берілген болатын.

    Осы ретте, 2019 жылдың 2 сәуірінде қабылданған «Қазақстан Республикасының кейбір заңнамалық актілеріне бизнес-ортаны дамыту және сауда қызметін реттеу мәселелері бойынша өзгерістер мен толықтырулар енгізу туралы» Қазақстан Республикасының № 241-VІ ҚРЗ Заңының 1-бап 9-тармағына сәйкес кең таралған пайдалы қазбаларды өндірумен айналысатын жер қойнауын пайдаланушылардың пайдалы қазбаларды өндіру салығы АЕК-пен 0,04 мөлшерлемеден 0,015 мөлшерлемеге төмендетілгендігін хабарлаймыз.

    Сонымен қатар, аталған заңның 2-бабына сәйкес 2018 қаржы жылына төленген өндіру салығын қайта есептеу жүргізіп, үстеме ақысын қайтарып алуға болатындығын назарларыңызға саламыз.

     

  • Дата публикации: 18/04/2019 - 17:42
    ,
    Мазмұны:

       Бүгін Қызылорда облысына Ресей Федерациясының Алматы қаласындағы Бас консулы Е. Бобров пен Тәжікстан Республикасының Бас консулы Алматы қаласындағы Б.Назир келді. Іссапар аясында РФ және Тәжікстан Республикасының Бас консулдары облыстық тарихи-өлкетану мұражайы мен өңірлік IT-паркке, Қызылорда облысының сол жағалау бөлігінің құрылысымен танысты.

     

Беттер

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика